A CORUÑA - Actualidad

foron constituídos esta mañá no transcurso dunha sesión extraordinaria da Corporación provincial, composta polos 17 deputados do PP; 9 de PsdeG-PSOE e 5 do BNG. 

A nova organización do goberno provincial suporá, ao longo de todo o mandato, un aforro de máis de 1,5 millóns de euros con respecto á Corporación anterior. Desta forma, o gasto de funcionamento do goberno verase reducido en máis dun 25%. Un aforro que é asumido na súa totalidade polo equipo de goberno.

Na sesión tamén se aprobou a creación de 8 Comisións Informativas. Desta forma, prodúcese tamén un aforro e unha maior simplificación administrativa xa que ata agora había nove. 

Doutra banda, e co obxectivo de mellorar o labor de control ao goberno, increméntase nun 5% o custo da oposición. 

Así, a composición dos órganos de goberno da Deputación coruñesa é a seguinte: 

Diego Calvo, elixido presidente o pasado 12 de xullo. As deputadas populares, María Faraldo Botana e María Elvira Padín Fernández, exercerán a Vicepresidencia primeira e segunda, respectivamente. 

A Xunta de Goberno está presidida por Diego Calvo, e composta por dez membros máis.

As oito Comisións Informativas son as seguintes: Comisión de Economía, Facenda e Especial de Contas: presidente: Manuel Santos Ruiz Rivas. Comisión de Benestar Social, Políticas de Igualdade de Xénero e Normalización Lingüística: presidenta: Zaira Rodríguez Pérez. Comisión de Promoción Económica, Emprego, Medio Ambiente e Turismo: presidente: José Santiago Freire Abeijón. Comisión de Cooperación e Asistencia aos Concellos: presidente: Manuel Taboada Vigo. Comisión de Persoal e Réxime Interior: presidente: Miguel de Santiago Boullón. Comisión de Contratación, Patrimonio e Equipamento: presidente: Santiago Vicente Amor Barreiro. Comisión de Infraestruturas Viarias: presidente: Perfecto Vázquez Lema. Comisión de Cultura, Educación, Deporte e Mocidade: presidenta: María Dolores Faraldo Botana. 

Cada Comisión estará integrada por once membros, dos cales seis pertencerán ao Grupo Popular, tres ao Grupo Provincial Socialista e dous ao Grupo do Bloque Nacionalista Galego. 

Réxime de sesións

As sesións ordinarias do Pleno da Deputación celebraranse con periodicidade mensual, o último venres de cada mes, ás doce horas. Se o día sinalado fose inhábil, a sesión ordinaria celebrarase o inmediatamente anterior hábil, ás doce horas.

A sesión ordinaria correspondente ao oitavo mes de 2011 celebrarase o día 16 de setembro de 2011 ás doce horas.

As sesións ordinarias da Xunta de Goberno celebraranse o primeiro e terceiro venres de cada mes, ás doce horas. Se o día sinalado fose inhábil a sesión ordinaria celebrarase o inmediatamente anterior hábil, ás doce horas.

COMPOSICIÓN DOS ÓRGANOS DE GOBERNO DA DEPUTACIÓN DA CORUÑA

Vicepresidenta 1ª María Dolores Faraldo Botana

Vicepresidenta 2ª María Elvira Padín Fernández

COMISIÓNS INFORMATIVAS COS seus PRESIDENTES/AS

COMISIÓN DE ECONOMÍA, FACENDA E ESPECIAL DE CONTAS

COMISIÓN DE BENESTAR SOCIAL, POLÍTICAS DE IGUALDADE DE XÉNERO E NORMALIZACIÓN LINGÜÍSTICA

COMISIÓN DE PROMOCIÓN ECONÓMICA, EMPREGO, MEDIO AMBIENTE E TURISMO

COMISIÓN DE COOPERACIÓN E ASISTENCIA AOS CONCELLOS

COMISIÓN DE CONTRATACIÓN, PATRIMONIO E EQUIPAMENTO

COMISIÓN DE CULTURA, EDUCACIÓN, DEPORTE E MOCIDADE